|
.. |
271
Ex orig. Wiesenh. 1356. Gerlacus dei gratia sancte maguntine sedis archiepiscopus Sacri Imperii per Germaniam archicancellarius Honorabilibus et religiosis viris magistro sancte domus hospitalis ordinis Sancti Johannis Jherosolemitani necnon Commendatori et Conventui domus in Inferiori wissele eiusdem ordinis nostre maguntine dyocesis in Christo sibi dilectis Salutem in eo qui est omnium vera salus. Ut hospitalitali aliisque pietatis operibus et domorum vestrarum vtilitati quas ex affectu spirituali prosequimur, melius et vtilius possitis intendere et vestras necessitates quas specialiter domus in Inferiori Wissele predicta propter eius reddituum et fructuum exilitatem et tenuitatem patitur eo congruentius subleuare ecclesiam parochialem in Jnferiori Wissele prope Bützbach, dicte nostre maguntine dyocesis per liberam resignationem nobilis viri Kunonis de Falkinstein eiusdem ecclesie Nouissimi pastoris vacantem cuius Juspatronatus ex donatione Nobilium virorum Johannis et Philippi junioris de falkenstein dominorum in minczenberg canonice vt didicimus nobis facta ad vos et dictas domus vestras pertinere dinoscitur. Vobis et eisdem domibus et specialiter Conventui et mense presdicte domus in Wissele cum omnibus juribus et pertinentiis suis auctoritate nostra ordinaria perpetue jncorporamus vnimus annectimus et donamus Dantes vobis plenam et liberam potestatem dicte ecclesie sic vacantis jurium et pertinentiarum eiusdem possessione apprehendendi necnon vicarium de ordine vestro ibidem per nos pro voluntate vestra quando et quotiens vobis videbitur instituendi et destituendi nostra seu judicum nostrorum vel alterius cuiuscumque licentia minime requisita seu concessa. Dumtamen taliter institutus per eos pro tempore nobis et aliis superioribus prestet obedientiam et reuerentiam debitam. Nobisque et eis quantum ad quemlibet ceterum pertinet de animarum cura respondeat ac omnia et singula ipsi occasione cure predicte iniungenda de jure vel consuetudine faciat et expediat ac legitime exequatur. vicario in eadem ecclesia per vos ut premittitur istituendo porcione congrua reseruata veruntamen jura papalia episcopalia et archidiaconalia soluere. hospitalitatem tenere et alia incumbentia onera valeant supportare. Datum VI Idus maji. Anno domini millesimo trecentesimo quinquagesimo sexto (10. Mai).
|
.. |